EN AZ RU

logo



Son xəbərlər

Probasiya Xidmətində məhkum yeniyetmələr üçün təlimlər keçirilib

15-17 fevral tarixlərində Azərbaycan Respublikası Ədliyyə Nazirliyinin və Hüquq və İnsan Haqları İnstitutunun birgə təşkilatçılığı ilə İcra Probasiya Xidmətində məhkum yeniyetmələr üçün maarifləndirici təlimlər keçirilib. Hüquq və İnsan Haqları İnstitutu İdarə Heyətinin sədr müavini Natəvan Rüstəmova bu cür maarifləndirici təlimlərin əhəmiyyətindən və mütəmadi keçirilməsinin vacibliyindən danışıb. O, təlimlərin məqsədinin yeniyetmələrimizi öz hüquqları ilə tanış etmək, onların cəmiyyətə sosial adaptasiyasına və gələcəkdə layiqli vətəndaş olmalarına töhfə vermək olduğunu qeyd edib.


02/17/2023

Rusiya Federasiyasının nümayəndə heyəti ilə görüş

17 fevral 2023-cü il tarixində Hüquqi Ekspertiza və Qanunvericilik Təşəbbüsləri Mərkəzinin (Mərkəz) İcraçı direktoru Samir Mahmudov və Hüquq və İnsan Haqları İnstitutu (İnstitut) İdarə Heyətinin sədri Məhəmməd Quluzadə Rusiya Federasiyasının Hökuməti yanında Qanunvericilik və Müqayisəli Hüquqşünaslıq İnstitutunun (QMHİ) direktoru akademik Taliya Xabriyevanın rəhbərlik etdiyi nümayəndə heyəti ilə görüş keçirmişdir. Görüşdə Mərkəzin və İnstitutun fəaliyyəti haqqında qonaqlara ətraflı məlumat verilmiş, gələcək planlar barədə mülahizələr səsləndirilmişdir.


02/17/2023

BMT azlıqların hüquqlarına dair yeni Bələdçi dərc edib

BMT-nin İnsan Hüquqları üzrə Ali Komissarlığı və Bərabər Hüquqlar Trastı (Equal Rights Trust) beynəlxalq təşkilatının birgə səyləri nəticəsində “Azlıqların hüquqlarının müdafiəsi. Ayrı-seçkiliyə aid qanunvericiliyin yaradılması üzrə praktiki Bələdçi” adlı vəsait çap edilmişdir. Praktiki vəsaitin nəşr olunmasında məqsəq bərabərlik hüquqlarına və ayrı-seçkiliyə yol verilməməsi standartlarına hörmət etmək, onları qorumaq və yerinə yetirmək üçün əsas beynəlxalq hüquq öhdəliklərinə riayət olunması istiqamətində dövlətlərə yardımçı olmaqdır.


02/14/2023

İnstitutda “Korporativ hüququn Azərbaycanda inkişafı və gələcək perspektivləri” mövzusunda təlim keçirilib

10 fevral tarixində Hüquq və İnsan Haqları İnstitutunda professor Kamran Behbudov İnstitutun əməkdaşları üçün “Korporativ hüququn Azərbaycanda inkişafı və gələcək perspektivləri” mövzusunda təlim keçmişdir. Təlimçi Azərbaycanda və Şərqi Avropada korporativ qanunvericilik sahəsində yeni innovativ rəqəmsal idarəetmə üsulları haqqında məruzə etmişdir. Təlimin sonunda iştirakçılar tərəfindən mövzu ilə bağlı verilən suallar cavablandırılmışdır.


02/10/2023

Regionlarımızda yeniyetmələr üçün təlimlər keçirilib

10 fevral tarixində Hüquq və İnsan Haqları İnstitutu, Azərbaycan Respublikasının Gənclər Fondu və Gənclərin İnkişaf və Karyera Mərkəzinin birgə təşkilatçılığı ilə regionlarımızda (Cəlilabad və Biləsuvarda) yeniyetmələr üçün təlimlər keçirilib. Hüquqi maarifləndirmə məqsədilə təşkil olunmuş təlimlərdə Hüquq və İnsan Haqları İnstitutunun təlimçi-ekspertləri Vüsalə Muradxanlı, Araz Abdullasoy və İsmayıl Musayev “Erkən nikahlar”, “Məişət zorakılığı”, “Sosial mediada təhqir və böhtana görə hüquqi məsuliyyət” və “Təhsil hüququ: xaricdə təhsil” mövzularında təqdimatlarla çıxış etmişlər.


02/10/2023

Gənclər üçün maarifləndirici təlimlər keçirilib

8 fevral tarixində Hüquq və İnsan Haqları İnstitutu, Azərbaycan Respublikasının Gənclər Fondu və Gənclərin İnkişaf və Karyera Mərkəzinin birgə təşkilatçılığı ilə ali təhsil müəssisələrinin bakalavriat və magistratura səviyyələrində təhsil alan tələbələr üçün təlimlər keçirilmişdir. Təlimin açılışında Gənclər Fondunun icraçı direktorunun müavini Qədir Xəlilov, Hüquq və İnsan Haqları İnstitutunun İdarə Heyətinin sədri Məhəmməd Quluzadə və Gənclərin İnkişaf və Karyera Mərkəzinin baş direktoru Ramtiq Alızadə iştirak etmişlər.


02/08/2023

İnstitutun əməkdaşlarına kargüzarlığın təşkili ilə bağlı təlim keçirilib

7 fevral tarixində Hüquq və İnsan Haqları İnstitutunun kadrlar üzrə mütəxəssisi İsaməddin Xamoyev İnstitutun əməkdaşlarına “İnstitutun struktur bölmələrində sənədlərin hazırlanması və tərtibatı üzrə Təlimat” mövzusunda təlim keçmişdir. Təlimçi mərkəzləşdirilmiş kargüzarlıq sistemində sənədlərin dövriyyəsi, qeydə alınması, uçotunun təşkili və təşkilatın struktur bölmələrinə paylanması kimi vacib mövzuları işçilərə ümumi tələblər səviyyəsində izah etmişdir.


02/07/2023

Publik hüquqi şəxslərin sosial şəbəkələrdəki fəaliyyətlərinin monitorinqi aparılmışdır

İnformasiya cəmiyyətində ünsiyyət mədəniyyətinin ayrılmaz tərkib hissəsi olan sosial şəbəkələrdən istifadənin geniş vüsət aldığı bir dönəmdə Hüquq və İnsan Haqları İnstitutu “publik hüquqi şəxs” statusu almış bir sıra qurum və agentliklərin sosial şəbəkələrdə vətəndaşlarla təmasının monitorinqini və təhlilini aparmışdır. Bildiyimiz kimi, sosial şəbəkələr çox böyük informasiya resursudur. İnternet istifadəçilərinin çox hissəsi bu informasiyaları əldə etmək üçün sosial şəbəkələrə üz tutur. Təhlilin hədəfi publik hüquqi şəxslərin ən çox hansı sosial şəbəkə platformalarından istifadə etməsini, vətəndaşların bu sosial şəbəkələrdən məlumat əldə etmək azadlığını və publik hüquqi şəxslərin izləyici auditoriyasının sayını müəyyən etməkdir.


02/01/2023

Hüquq tədqiqatçımızın “İnsan alveri qurbanlarının müdafiəsi: beynəlxalq və milli hüquq normaları kontekstində” adlı məqaləsi dərc olunub

Hüquq və İnsan Haqları İnstitutunun Hüquqi tədqiqat şöbəsinin hüquq tədqiqatçısı Sevinc Hüseynovanın “İnsan alveri qurbanlarının müdafiəsi: beynəlxalq və milli  hüquq normaları kontekstində” adlı məqaləsi “Respublika” qəzetinin 26 yanvar 2023-cü il tarixli 17 saylı buraxılışında dərc edilmişdir. Məqalədə göstərilir ki, qurbanların istismar vəziyyətindən çıxarılması, təxirəsalınmaz fiziki və psixoloji ehtiyaclarının təmin edilməsi və müvafiq müdafiə tədbirlərinin həyata keçirilməsi üçün onların statusunun müəyyənləşdirilməsi vacibdir.


01/31/2023

İnstitutun YAP təşkilatının sədri tədbirdə iştirak edib

25 yanvar tarixində Yeni Azərbaycan Partiyası Yasamal rayon təşkilatında “Müstəqil Azərbaycanın memarı: Ulu öndər Heydər Əliyev” adlı tədbir keçirilib. Hüquq və İnsan Haqları İnstitutunun ilk YAP təşkilatının sədri İlqar Xəlilov da tədbirdə iştirak edib. YAP Yasamal rayon təşkilatının sədri Bəxtiyar Nəbiyev tədbirin keçirilməsinin 2023-cü ilin “Heydər Əliyev İli” elan edilməsi haqqında Azərbaycan Respublikasının Prezidenti cənab İlham Əliyevin 29 sentyabr 2022-ci il tarixli Sərəncamından irəli gəldiyini diqqətə çatdırıb.


01/30/2023

Bütün hüquqlar qorunur © 2026
Saytı hazırladı : Burncode LLC

Yuxarı