Son zamanlar Hüquq və İnsan Haqları İnstitutu hüquq mədəniyyətinin inkişaf etdirilməsi, hüquqi maarifləndirmə tədbirlərinin aparılması, həmçinin məlumatların rahat və əlçatan şəkildə ictimaiyyətə çatdırılması məqsədilə bir sıra rəqəmsal baza sistemləri və platformalar yaradıb.
Hüquq və İnsan Haqları İnstitutu (İnstitut) Praktikaya aid siqnallar Sorğusu (PASS) platformasını istifadəyə verib.
Hüquq və İnsan Haqları İnstitutu hüquq elmi sahəsində fəaliyyət göstərən alim və tədqiqatçıların yazdıqları əsərlər, tədris etdikləri fənlər, h-indeksləri və digər məlumatları əks etdirən vahid elektron məlumat bazasını istifadəyə verib.
Hüquq və İnsan Haqları İnstitutu 15 noyabr 2022-ci il tarixdən etibarən “beyin mərkəzlərinin” qlobal bazası olan On Think Tanks (OTT) platformasına daxil edilmişdir. OTT platforması 2010-cu ildən fəaliyyət göstərir və özündə müxtəlif ölkələrin “beyin mərkəzləri” haqqında məlumatı əks etdirir. Hal-hazırda 160 ölkənin istifadəçiləri OTT platformasından faydalanmaqdadır.
İnstitutumuzun əməkdaşı Sevinc Hüseynovanın “Ekoloji cinayətlərin ictimai təhlükəliliyi və hüquqi mahiyyəti” adlı məqaləsi dərc olunub. Məqalə Azərbaycan Respublikası Konstitusiya Məhkəməsinin ümummilli lider Heydər Əliyevin anadan olmasının 99-cu ildönümünə həsr olunmuş “XXI əsrdə insan hüquq və azadlıqlarının müdafiəsi sahəsində müasir nəzəri və praktiki yanaşmalar” mövzusunda keçirdiyi elmi-nəzəri konfransın materialları əsasında nəşr olunmuşdur.
İnstitutumuzun Dövlət təhlükəsizliyinin hüquqi təminatı şöbəsinin əməkdaşları Məhəmməd İmanlı, Xəyalə Kələşova və Maral Həsənovanın birgə müəllifliyi ilə “Azərbaycanda kibertəhlükəsizlik və informasiya sahəsində cinayətlər” adlı məqalə dərc olunmuşdur. Məqalə bu il aprelin 28-29-da Moskva şəhərində keçirilmiş “Cinayət hüququ və əməliyyat-axtarış fəaliyyəti: qanunvericilik, elm və təcrübə problemləri” mövzusunda elmi-praktik konfransın materiallarına daxil edilmişdir.
Hüquq və İnsan Haqları İnstitutunun əməkdaşı, tədqiqatçı-alim Abbas İslamovun Qafqaz Tarixi Mərkəzinin saytında "İran teokratiyasının siyasi maraqları" adlı məqaləsi dərc olunub. Məqalədə tarixin müasir mərhələsində İranın Azərbaycan Respublikasına qarşı siyasətinin xüsusiyyətləri açıqlanır.
10-11 noyabr 2022-ci il tarixlərində Hüquq və İnsan Haqları İnstitutu İdarə Heyətinin sədri Məhəmməd Quluzadə BMT İnkişaf Proqramının İstanbulda keçirdiyi “Şərqi Avropa və Orta Asiyada Biznes və İnsan Haqları 3-cü BMT Regional Forumu”nda iştirak etmişdir.
12 Noyabr tarixində Hüquq və İnsan Haqları İnstitutunun əməkdaşı, hüquq üzrə fəlsəfə doktoru İlham Malik oğlu Əliyevin AzərTac-da "Azərbaycan Respublikasının Konstitusiyası qürur mənbəyimizdir" başlıqlı məqaləsi dərc olunub.
10 noyabr tarixində İnstitutumuzun əməkdaşı Səidə Həsənzadə Bakı Dövlət Universitetində görkəmli hüquqşünas alim, hüquq elmləri doktoru, professor Məmməd Xələfovun 100 illik yubileyinə həsr olunmuş tədbirdə iştirak etmişdir. Tədbirdə Məmməd Xələfovun Azərbaycanda hüquq elminin inkişafında, hüquqşünas kadrların hazırlanmasında əvəzsiz rol oynadığı, gələcək nəsillərə zəngin elmi irs qoyan örnək şəxsiyyət olduğu yubiley iştirakçılarının diqqətinə çatdırılmışdır. Eyni zamanda görkəmli alimin Xalq Cümhuriyyətinin süqutundan sonra hüquq elmində yaranmış problemlərin aradan qaldırılması istiqamətində apardığı araşdırmaların elmə bir töhfə olduğu bildirilmişdir.
İnstitutumuzun əməkdaşı Günay Səhhət qızı Əliyevanın "Azərbaycanın müstəqil hüquqi dövlət quruculuğunda Heydər Əliyevin dövlətçilik siyasəti" adlı məqaləsi dərc olunmuşdur. Məqalə Azərbaycan Respublikası Konstitusiya Məhkəməsi tərəfindən ümummilli lider Heydər Əliyevin anadan olmasının 99-cu ildönümünə həsr olunmuş “XXI əsrdə insan hüquq və azadlıqlarının müdafiəsi sahəsində müasir nəzəri və praktiki yanaşmalar” mövzusunda keçirilən elmi-nəzəri konfransın materiallarına salınmışdır.
7 və 8 noyabr tarixlərində İnstitutumuzun hüquqşünasları İlham Əliyev və Zaur Əhmədov “Mediasiya və məhkəmə ekspertizası: Ədliyyə sistemində gender fərqi və həssas marjinal qrupların ədalət mühakiməsinə çıxış imkanı” mövzusunda keçirilmiş onlayın müzakirələrdə iştirak etmişlər. Müzakirələrdə mediasiyanın səmərəliliyi, keyfiyyətli mediasiya xidməti göstərilməsinin və vətəndaşların məmnunluq prinsipinin təmin edilməsi, müdafiə işlərinə olunan maneələrin aradan qaldırılması və həmçinin, keyfiyyətli hüquqi yardım xidməti göstərilməsinin vacibliyi diqqətə çatdırılmışdır.
İnstitutumuzun əməkdaşı İlham Malik oğlu Əliyevin “Hüquq yaradıcılığında əxlaq normalarının nəzərə alınma məsələsi” adlı məqaləsi dərc olunmuşdur. Məqalə Azərbaycan Respublikası Konstitusiya Məhkəməsinin ümummilli lider Heydər Əliyevin anadan olmasının 99-cu ildönümünə həsr olunmuş “XXI əsrdə insan hüquq və azadlıqlarının müdafiəsi sahəsində müasir nəzəri və praktiki yanaşmalar” mövzusunda keçirtdiyi elmi-nəzəri konfransın materiallarına salınmışdır.
Bütün hüquqlar qorunur © 2026
Saytı hazırladı : Burncode LLC
