Son zamanlar Hüquq və İnsan Haqları İnstitutu hüquq mədəniyyətinin inkişaf etdirilməsi, hüquqi maarifləndirmə tədbirlərinin aparılması, həmçinin məlumatların rahat və əlçatan şəkildə ictimaiyyətə çatdırılması məqsədilə bir sıra rəqəmsal baza sistemləri və platformalar yaradıb.
Hüquq və İnsan Haqları İnstitutu (İnstitut) Praktikaya aid siqnallar Sorğusu (PASS) platformasını istifadəyə verib.
Hüquq və İnsan Haqları İnstitutu hüquq elmi sahəsində fəaliyyət göstərən alim və tədqiqatçıların yazdıqları əsərlər, tədris etdikləri fənlər, h-indeksləri və digər məlumatları əks etdirən vahid elektron məlumat bazasını istifadəyə verib.
Fevralın 27-də Hüquq və İnsan Haqları İnstitutu (İnstitut) tərəfindən vəkillər, hüquqşünaslar və hüquq təhsili alan tələbələr üçün “İddia ərizəsinin hüquqi əsasları” mövzusunda təlim təşkil olunub.
Fevralın 17-də Hüquq və İnsan Haqları İnstitutunda keçirilən tədbirdə “Təmiz Dünya” Qadınlara Yardım İctimai Birliyinin sədri Mehriban Zeynalovanın uzun illərə söykənən təcrübəsi əsasında hazırladığı “Kölgədə qalan qadınlar”, “Zorakılığın kodları”, “İnsan alverinə qarşı mübarizədə rəqəmsal monitorinq üçün təlimat” və “İnsan alverinə qarşı mübarizə üzrə Milli Təlim Modulu” adlı vəsaitlər ictimaiyyətə təqdim olunub.
Fevralın 10-da Azərbaycan Respublikası Ədliyyə Nazirliyinin Məhkəmə Ekspertizası Mərkəzi ilə Hüquq və İnsan Haqları İnstitutunun birgə əməkdaşlığı çərçivəsində məhkəmə ekspertizası sahəsində hazırlanmış 9 yeni elmi-metodiki materialın təqdimatı olub.
Yanvarın 30-da Hüquq və İnsan Haqları İnstitutunda “Hüquq nəzəriyyəsi” və “Hüquq nədir?” adlı iki yeni kitabın təqdimatı keçirilib.
Yanvarın 21-də Hüquq və İnsan Haqları İnstitutunda ötən ilin yekunlarına həsr olunmuş görüş keçirilib. İnstitutun İdarə Heyətinin sədri Məhəmməd Quluzadə çıxış edərək hesabat dövrü ərzində həyata keçirilən tədbirlər, görülən işlər, əldə olunan nəticələr, həmçinin qarşıdakı dövr üçün nəzərdə tutulan əsas hədəf və prioritetlər barədə məlumat verib.
Hüquq və İnsan Haqları İnstitutu dekabrın 22-də Binəqədi Rayon İcra Hakimiyyətində (RİH) “Dövlət qulluqçularının etik davranış qaydaları və onların fəaliyyətində insan hüquqları aspekti” mövzusunda təlim keçirib. Dövlət qulluqçularının peşə etikası, hüquqi məsuliyyəti və insan hüquqlarına əsaslanan idarəetmə prinsiplərinin artırılmasına yönəlmiş təlimdə RİH əməkdaşları və digər mərkəzi icra hakimiyyətlərinin yerli qurumlarının nümayəndələri olmaqla, 60 nəfər iştirak edib.
Ölkəmizdə rəqəmsallaşma sahəsində əldə olunmuş mühüm nailiyyətlərin – ASAN xidmət, DOST xidməti və digər vətəndaşyönümlü təşəbbüslərin məntiqi davamı kimi “Rəqəmsal xidmətlərə çıxış hüququ”nun ayrıca insan hüququ kimi tanınması xüsusi əhəmiyyət kəsb edir. Bu fikri dekabrın 19-da Azərbaycan Respublikası Daxili İşlər Nazirliyinin Polis Akademiyasında Ümumdünya İnsan Hüquqları Bəyannaməsinin qəbul edilməsinin 77-ci ildönümü münasibətilə keçirilmiş elmi-praktik konfransda İnstitutun İdarə Heyətinin sədri Məhəmməd Quluzadə səsləndirib.
Dekabrın 10-da “Hüquqi Ekspertiza və Qanunvericilik Təşəbbüsləri Mərkəzi” (HEQT Mərkəzi) publik hüquqi şəxs “Hüquq və İnsan Haqları İnstitutu” (İnstitut) publik hüquqi şəxs ilə birlikdə Beynəlxalq İnsan Hüquqları Gününə həsr olunmuş “Konstitusiya və insan hüquqları” mövzusunda dəyirmi masa təşkil edib.
Hüquq və İnsan Haqları İnstitutu dekabrın 4-də hüquq ictimaiyyəti üçün xüsusi əhəmiyyət daşıyan maarifləndirici təlim keçirib. “Mülkiyyət hüququnun müdafiəsi və Avropa İnsan Hüquqları Konvensiyası kontekstində mülkiyyət hüquqları” mövzusuna həsr olunan tədbir ali təhsil müəssisələrinin hüquq fakültələrində təhsil alan tələbələri və hüquqşünasları bir araya gətirib.
Hüquq və İnsan Haqları İnstitutu dekabrın 2-də Naxçıvan Dövlət Universitetində hüquqi maarifləndirmə, müasir rəqəmsal yeniliklərə və yeni nəşrlərə həsr olunmuş geniş təqdimat keçirib. İnstitutun fəaliyyəti, hüquqi maarifləndirmə istiqamətləri və insan hüquqları sahəsində rəqəmsallaşmanın yaratdığı yeni imkanların gənc nəslə daha yaxından tanıdılması baxımından xüsusi əhəmiyyət kəsb edən tədbirdə İnstitutun Zəfər Gününə həsr olunmuş yeni nəşri – “Suverenliyin zəfər yolu: reallaşan ideyalar, hüquqi əsaslar, siyasi paralellər” kitabı universitet ictimaiyyətinə təqdim olunub.
Bütün hüquqlar qorunur © 2026
Saytı hazırladı : Burncode LLC
