The book was prepared by the Enlightenment Public Union "Ugur with the financial support of the Agency of State Support to NonGovernmental Organizations of the Republic of Azerbaijan within the framework of the project "New Challenges of Combating Human Trafficking in the Digitalized World". The views and opinions expressed in the book belong to the author and may not reflect the official position of the Agency of State Support to Non-Governmental Organizations of the Republic of Azerbaijan.
Müəllif :
Ph.D. in Law, Associate Professor Elovset Allahverdiyev
Nəşr tarixi : 2025
Kitab Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Uğur” Maarifçilik İctimai Birliyi tərəfindən “Rəqəmsallaşan dünyada insan alverinə qarşı mübarizənin yeni çağırışları” layihəsi çərçivəsində hazırlanmışdır. Kitabda əks olunan fikir və mülahizələr müəllifə aiddir və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin rəsmi mövqeyini əks etdirməyə bilər.
Müəllif :
h.ü.f.d., dosent Əlövsət Allahverdiyev
Nəşr tarixi : 2025
Çap vəsaiti dövlət qurumlarının, özəl şirkətlərin və vətəndaşların süni intellektin insan hüquqlarına təsiri sahəsində məlumatlandırılması üçün nəzərdə tutulmuşdur. Məqsəd hədəf qruplarını maarifləndirmək, potensial riskləri izah etmək və hüquqların qorunması istiqamətində düzgün yanaşmaların formalaşdırılmasına töhfə verməkdir.
Müəllif :
Azərbaycan Respublikasının İnsan Hüquqları üzrə Müvəkkili (Ombudsman)
Nəşr tarixi : 2026
Monoqrafiyada dünyanın bir sıra ölkələrində (Almaniya, ABŞ, Fransa, Türkiyə, Kanada, İspaniya və s.) narkomanlığın və narkocinayətkarlığın müasir vəziyyəti, səciyyəvi meyilləri təhlil edilmiş, beynəlxalq və milli səviyyədə narkotik vasitələrin və psixotrop maddələrin qanunsuz dövriyyəsinin qarşısının alınması, o cümlədən narkomanlığın profilaktikasının əsas istiqamətləri nəzərdən keçirilmiş və təcrübələri öyrənilmişdir. Bununla yanaşı, narkotik vasitələrdən və psixotrop maddələrdən istifadə tarixi öyrənilmiş, həmçinin narkotik vasitələrin və psixotrop maddələrin qanunsuz dövriyyəsi ilə mübarizəyə istiqamətlənmiş BMT-nin Konvensiyalarının əsas müddəalarının mahiyyət və məzmunu açılmış, bu sahə üzrə ixtisaslaşan beynəlxalq və regional orqanların əsas fəaliyyət istiqamətləri araşdırılmışdır.
Müəllif :
Vasif Salman oğlu Quliyev
Nəşr tarixi : 2026
Kitab Azərbaycan Respublikasının 30 dekabr 1999-cu ildə təsdiq edilmiş və 1 sentyabr 2000-ci ildə qüvvəyə minmiş Cinayət Məcəlləsinin doktrinal şərhinin yenidən işlənmiş təkrar nəşridir. Təkrar nəşrdə Cinayət Məcəlləsinə 2018-ci ildə edilmiş əlavə və dəyişikliklər, keçən dövr ərzində toplanmış məhkəmə təcrübəsi, habelə oxucuların bir sıra tənqidi mülahizələri nəzərə alınmışdır. Kitab Respublikanın cinayət hüququ sahəsində tanınmış, görkəmli alimlərdən və bu sahədə təcrübəsi olan praktiki işçilərdən ibarət müəlliflər kollektivi tərəfindən yazılmışdır. Müəlliflər kollektivi Cinayət Məcəlləsinin maddələrinin şərhini verərkən cinayət hüquq nəzəriyyəsinin elmi müddəalarına əsaslanmış, Respublikanın qüvvədə olan qanunvericilik materiallarından, istintaq və məhkəmə təcrübəsindən istifadə etmişdir. Cinayət Məcəlləsinin Ümumi hissəsinin bütövlükdə və Xüsusi hissəsinin 100–189-1-ci maddələrinin şərhini nəzərdə tutan kitabın 1-ci hissəsi hakimlər, prokurorlar, müstəntiqlər, vəkillər və başqa hüquq mühafizə orqanlarının işçiləri üçün tövsiyə edilir. Kitab cinayət hüququ sahəsində araşdırmalar aparan doktorantlar, cinayət hüququnun tədrisi sahəsində çalışan mütəxəssislər, habelə hüquqşünaslıq ixtisası üzrə təhsil alan tələbələr üçün də dəyərli vəsait rolunu oynaya bilər.
Müəllif :
Firudin Yusif oğlu Səməndərov
Nəşr tarixi : 2018
Kitab Azərbaycan Respublikasının 30 dekabr 1999-cu ildə təsdiq edilmiş və 1 sentyabr 2000-ci ildə qüvvəyə minmiş Cinayət Məcəlləsinin doktrinal şərhinin yenidən işlənmiş təkrar nəşridir. Təkrar nəşrdə Cinayət Məcəlləsinə 2018-ci ilə edilmiş əlavə və dəyişikliklər, keçən dövr ərzində toplanmış məhkəmə təcrübəsi, habelə oxucuların bir sıra tənqidi mülahizələri nəzərə alınmışdır. Kitab Respublikanın cinayət hüququ sahəsində tanınmış, görkəmli alimlərdən və bu sahədə təcrübəsi olan praktiki işçilərdən ibarət müəlliflər kollektivi tərəfindən yazılmışdır. Müəlliflər kollektivi Cinayət Məcəlləsinin maddələrinin şərhini verərkən cinayət hüquq nəzəriyyəsinin elmi müddəalarına əsaslanmış, Respublikanın qüvvədə olan qanunvericilik materiallarından, istintaq və məhkəmə təcrübəsindən istifadə etmişdir. Cinayət Məcəlləsinin Xüsusi hissəsinin 190–353-cü maddələrinin şərhini nəzərdə tutan kitabın 2-ci hissəsi hakimlər, prokurorlar, müstəntiqlər, vəkillər və başqa hüquq mühafizə orqanlarının işçiləri üçün tövsiyə edilir. Kitab cinayət hüququ sahəsində araşdırmalar aparan doktorantlar, cinayət hüququnun tədrisi sahəsində çalışan mütəxəssislər, habelə hüquqşünaslıq ixtisası üzrə təhsil alan tələbələr üçün dəyərli vəsait rolunu oynaya bilər.
Müəllif :
Firudin Yusif oğlu Səməndərov
Nəşr tarixi : 2018
İnsan alverinə qarşı mübarizə sahəsində fəaliyyət göstərən müvafiq dövlət qurumlarının, ictimai təşkilatların və peşəkar mütəxəssislərin birgə fəaliyyətini dəstəkləmək məqsədilə hazır– lanmış “Milli Təlim Modulu”, sistemli və koordinasiyalı təlim yanaşmasını formalaşdırmaqla insan resurslarının bilik və bacarıqlarının artırılmasına xidmət edir. Təlim modulunun hazırlanması “İnsan alverinə qarşı mübarizə üzrə QHT Koalisiyanın 2025-ci il iş planı” əsasında aparılmış və bu sahədə institusional potensialın gücləndirilməsi istiqamətində əsas alətlərdən biri kimi nəzərdə tutulmuşdur. Modulda insan alverinin formaları, yeni çağırışlar və rəqəmsal istismar növləri, qurbanların psixoloji xüsusiyyətləri, aşkarlanma və müdaxilə üsulları, eləcə də reabilitasiya prosesləri nəzəri və praktiki aspektlərdə əhatə olunmuşdur. Bu təlim modulu həm də dövlət–QHT əməkdaşlığı çərçivəsində hazırlanmış ilk inteqrativ təlim modelidir.
Müəllif :
Mehriban Zeynalova
Nəşr tarixi : 2025
Bu vəsaitdə qarşıya qoyulan vəzifələr Azərbaycanın insan alverinə qarşı mübarizə sahəsində formalaşmış müsbət təcrübəsini qorumaqla yanaşı, rəqəmsal dövrün çağırışlarına çevik cavab verən yeni standartların tətbiqinə xidmət edir. Rəqəmsal aləmdə cinayətkar davranış formalarının artması fonunda bu təlimat həm praktik fəaliyyət aləti, həm də strateji sənədi kimi mühüm əhəmiyyət daşıyır. Təqdim olunan bu təlimat ilk növbədə sosial işçilər, psixoloqlar, hüquq-mühafizə orqanlarının əməkdaşları, QHT nümayəndələri və jurnalistlər üçün nəzərdə tutulub.
Müəllif :
Mehriban Zeynalova
Nəşr tarixi : 2025
Təqdim olunan bu kitabda gözümüzün önündə çox zaman ən mərd və ən nəcib keyfiyyətləri özündə birləşdirən Azərbaycan kişisi haqqında simalar canlanır. Bu, mif deyil, uydurulmuş qəhrəman obrazı deyil. Onlar tarixdə yaşamış, davranışı, mərdliyi və yüksək keyfiyyətləri ilə, 44 gün içində əsrlərllə sümük kimi boğazımızda ilişib qalmış problemi həll edərək adını qızıl həriflərlə tariximizə həkk etmiş insanlardır. Bizim ədəbiyyatımızın, dastanlarımızın, yaddaşımızın dərin qatlarında həmin kişilərin izləri var. Bu hekayələr sözlərdə deyil, xalqın yaddaşında, davranışında, nəsildən-nəslə ötürülən hekayələrində hələ də unudulmur. Azərbaycan kişisinin obrazı yalnız güc və cəsarət deyil, həm də ədalət və şəfqət idi. Bu dəyərlərin bəzi hallarda necə təhrif olunduğunu, hansı sosial, psixoloji və mədəni “kodların” zorakılığı doğurduğunu anlamaq -bu vəsaitin əsas məqsədidir. Biz bu kodları çözmək, onların mənbəyinə işıq salmaq və dəyişimin mümkün yollarını göstərmək üçün yola çıxırıq. Əgər biz öz tariximizin nəcib nümunələrini unutmadan, bu günün səhvlərindən nəticə çıxara bilsək, o zaman həm kişi, həm qadın, həm də bütövlükdə cəmiyyət daha təhlükəsiz, daha işıqlı bir gələcəyə doğru addımlaya bilər.
Müəllif :
Mehriban Zeynalova
Nəşr tarixi : 2025
