Yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla özgə əmlakını oğurluq yolu ilə talamanın cinayət-prosessual və təcrübi problemləri - Polis Akademiyasının Elmi Xəbərləri Elmi Hüquq Jurnalı №4 (2023)

Cinayətkarlığın strukturunda mülkiyyət əleyhinə edilən cinayətlərin xüsusi çəkisi həmişə yüksək olmuşdur və indi də belədir. Həmin cinayətlər sırasında ən geniş yayılanı isə yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla özgə əmlakını talama əməlləridir. Qeyd olunan cinayətlərin ayrı-ayrılıqda ictimai təhlükəliliyi çox böyük görünməsə də, geniş yayılmasını nəzərə alsaq, onların məcmu halda cəmiyyətə çox böyük maddi və mənəvi ziyan vurduğunu görərik.
Müəllif : İlkin Ələkbərov - Azərbaycan Respublikası DİN-nin Polis Akademiyası “DİO-da inzibati fəaliyyət” kafedrasının müəllimi, polis leytenantı
Nəşr tarixi : 2023

Cərimə cəza növünü icra etməkdən yayınan şəxslərə qarşı bu cəza növünün digər cəza növləri ilə əvəz olunmasının hüquqi problemlər - Polis Akademiyasının Elmi Xəbərləri Elmi Hüquq Jurnalı №4 (2023)

Hər bir ölkənin əhalisinin təhlükəsiz və əmin-amanlıq şəraitində yaşaması, hüquqi dövlətin ən vacib şərti kimi birgə yaşayış norma və qaydalarının, milli əxlaqi dəyərlərin və sosial siyasi mühitin mövcudluğunu özündə əks etdirir. Azərbaycan Respublikası da hüquqi, demokratik dövlət olduğundan dövlətçilik ənənələri də insan hüquq və azadlıqlarının qorunması və müdafiəsi prinsiplərinə istinad edir.
Müəllif : Toğrul Həsənov - Azərbaycan Respublikası DİN-in Polis Akademiyasının I kurs magistrantı, polis baş leytenantı
Nəşr tarixi : 2023

Hərbi qulluqçuların mənəvi-psixoloji vəziyyətinin öyrənilməsi və qiymətləndirilməsi - Polis Akademiyasının Elmi Xəbərləri Elmi Hüquq Jurnalı №4 (2023)

Mənəvi-psixoloji vəziyyət hərbi qulluqçuların döyüş (xidmət) fəaliyyətində, onların döyüş əməliyyatlarına hazır olmasında təzahür edən, müəyyən vaxtda və konkret vəziyyətdə fərdi hərbi qulluqçunun psixi vəziyyəti və ya hərbi kollektivin psixologiyasıdır.
Müəllif : Ramil Qasımov - Heydər əliyev adına Hərbi İnstitut, “NATO-Sülh naminə tərəfdaşlıq və Humanitar fənlər” kafedrası
Nəşr tarixi : 2023

Vahid məhkəmə təcrübəsi ədalət mühakiməsinin səmərəliliyinin yüksəldilməsinə xidmət edir - Polis Akademiyasının Elmi Xəbərləri Elmi Hüquq Jurnalı №4 (2023)

Səmərəli ədalət mühakiməsi insan və vətəndaşın pozulmuş hüquqlarının və maraqlarının real müdafiəsinin və bərpa edilməsinin, ədalətliliyin təmin edilməsidir. Başlıca tələblərdən biri də əhalinin məhkəmə sisteminə etimadının yüksəldilməsidir. Prosessual qanunvericilikdə apellyasiya və kassasiya instansiyalarında işlərə yenidən baxılması vahid yanaşmanın təmin edilməsi vasitəsidir. Belə yanaşmalardan biri də Azərbaycan Respublikasının cinayət-prosessual qanunvericiliyində nisbətən yeni institut olan məhkəmə təcrübəsinin vahidliyidir.
Müəllif : Mətanət Əsgərova - Ədliyyə Akademiyasının baş müəllimi, ədliyyə müşaviri, Azərbaycan Dillər Universitetinin professoru, h.f.d
Nəşr tarixi : 2023

İdarəetmədə “Açıq hökumət” anlayışı, Azərbaycan Respublikasında "Açıq hökumət" elektron dövlətin və demokratiyanın əsası kimi - Polis Akademiyasının Elmi Xəbərləri Elmi Hüquq Jurnalı №4 (2023)

Azərbaycan Respublikasında “açıq hökumət”dən danışarkən ilk növbədə açıq hökumət anlayışının mahiyyətini bilmək vacibdir. Açıq hökumət innovasiyalı və davamlı dövlət siyasətinə və təcrübəyə əsaslanan şəffaflıq, hesabatlılıq və iştirak prinsiplərindən ilhamlanan elə idarəetmə mədəniyyətidir ki, O, demokratiya və inklüziv inkişafın yüksəldilməsinə xidmət edir.
Müəllif : Ümman Ağamalıyev - AMEA-nin Hüquq və insan haqları institutunun dissertantı, Azərbaycan Respublikasının Vəkillər Kollegiyasının üzvü, Milli Aviasiya Akademiyasının müəllimi
Nəşr tarixi : 2023

Dövlət orqanlarında daxili intizam qaydaları: nəzəri-hüquqi təhlil - Polis Akademiyasının Elmi Xəbərləri Elmi Hüquq Jurnalı №4 (2023)

Mövzunun aktuallığı və işlənmə dərəcəsi. Müasir Azərbaycanda dövlət orqanlarının fəaliyyətinin təkmilləşdirilməsi və dövlət idarəetməsində yeni metodların tətbiqi mühüm əhəmiyyət kəsb edən aktual məsələlərdən birdir. Bu sahədə dövlət siyasətinin əsası Ümummilli Lider Heydər Əliyev tərəfindən qoyulmuş və “Heydər Əliyev Dövlət İdarəçilik Məktəbi” statusu qazanmışdır. Bu siyasət hazırda Prezident İlham Əliyev cənabları tərəfindən uğurla davam və inkişaf etdirilərək həyata keçirilir, qanunvericilik bazası mütəmadi olaraq təkmilləşdirilir, məqsədyönlü və səmərəli institusional mexanizmlər tətbiq edilir.
Müəllif : h.ü.f.d. Oruc Məmmədov
Nəşr tarixi : 2023

Hərbi qulluqçuların döyüş ruhunun mənəvi-psixoloji aspektləri və ona təsir edən amillər (44 günlük müharibənin gedişi və nəticələri əsasında) - Polis Akademiyasının Elmi Xəbərləri Elmi Hüquq Jurnalı №4 (2023)

Silahlı qüvvələrin qarşısında duran xidməti və döyüş tapşırıqlarının uğurla yerinə yetirilməsi üçün zəruri olan şəxsi heyətin mənəvi-psixoloji vəziyyətinin formalaşdırılması və saxlanmasında şəxsi heyət, xidmət və digər idarəetmə orqanları və vəzifəli şəxslərlə işləmək.Yuxarıda göstərilən tərifdən belə nəticəyə gələ bilərik. şəxsi heyətin mənəvi-psixoloji vəziyyəti MPT-n əsas məqsədlərindən biridir, deməli, İndiki dövrdə isə müasir təcrübənin təsdiq etdiyi kimi, qoşunların mənəvi-psixoloji vəziyyətinin real qiymətləndirilməsi olmadan hərbi komandaların gündəlik fəaliyyətində mənəvi-sosial prosesləri uğurla idarə etmək, hərbi sahədə yeni keyfiyyət parametrlərinə keçmək mümkün deyil. qoşunların fəaliyyəti, düşmən üzərində mənəvi üstünlüyə nail olmaq və hərbi əməliyyatlara birləşmələrə, bölmələrə və bölmələrə düzgün rəhbərlik etmək, döyüşün ehtimal olunan nəticələrini proqnozlaşdırmaq.
Müəllif : Namiq Şamxalov - Heydər Əliyev adına Hərbi İnstitutun “NATO/Sülh naminə tərəfdaşlıq və Humanitar fənlər” kafedrasının baş müəllimi, polkovnik-leytenantı
Nəşr tarixi : 2023

Mədəni irs obyektlərinin qanunsuz dövriyyəsinə qarşı mübarizədə beynəlxalq hüquqi yardım - Polis Akademiyasının Elmi Xəbərləri Elmi Hüquq Jurnalı №4 (2023)

Hüquqi sistemlərin yaxınlaşmasına və vahid hüquqi məkanın yaradılmasına xidmət edən beynəlxalq hüquqi əməkdaşlığın mühüm ünsürünü beynəlxalq hüquqi yardım təşkil edir. Əslində hüquqi yardım konkret məsələnin həlli istiqamətində hüquqi əməkdaşlığı ifadə edir və milli hüquq sistemlərinin əməkdaşlığına xidmət edir. Eyni zamanda beynəlxalq hüquqi yardım “dövlətlərin beynəlxalq hüquq normalarına uyğun olaraq əməkdaşlıq etmək üzrə hüquqi öhdəliklərinin realizəsinin hüquqi formasını təşkil edir”
Müəllif : h.ü.f.d. Sima Süleymanlı
Nəşr tarixi : 2023

Xarici diplomatik nümayəndəliklər və onların personalının təhlükəsizliyinin təmin olunmasının beynəlxalq və milli hüquqi əsasları - Polis Akademiyasının Elmi Xəbərləri Elmi Hüquq Jurnalı №4 (2023)

Dövlətin xarici diplomatik nümayəndəliklərinin və onların personalının statusunu, toxunulmazlığı məsələlərini müəyyən edən beynəlxalq hüquqi sənədlərin analizi yerləşmə dövlətlərinin bu xarici əlaqə orqanlarının təhlükəsizliyinin təmin edilməsi ilə bağlı öhdəliklərini aşağıdakı şəkildə ümumiləşdirməyə əsas verir.
Müəllif : h.e.f.d. Həcər Qasımova
Nəşr tarixi : 2023

Azərbaycan Respublikasının sosial təminat sistemində məcburi - Polis Akademiyasının Elmi Xəbərləri Elmi Hüquq Jurnalı №4 (2023)

18 oktyabr 1991-ci il tarixli “Azərbaycan Respublikasının dövlət müstəqilliyi haqqında” Konstitusiya Aktının qəbulundan sonra Azərbaycan Respublikasının müstəqil inkişaf mərhələsinə qədəm qoyan sosial sığortanın sisteminin tərkib hissəsi kimi sosial sığortanın əsas forması olan məcburi dövlət sosial sığortası mühüm əhəmiyyətə malikdir. Hazırki məqalə çərçivəsində məhz Azərbaycan Respublikasının məcburi dövlət sosial sığortasının tətbiqi məsələlərindən bəhs olunacaqdır.
Müəllif : Kamran Ağamoğlanov - BDU-nun “Əmək və ekologiya hüququ” kafedrasının doktorantı
Nəşr tarixi : 2023