Ötən əsrin əvvəllərində Rusiya imperiyasında baş verən inqilabi proseslər və nəticə etibarilə xalqa vəd edilən bir sıra hüquq və azadlıqların qanunvericiliklə təsbiti hakimiyyət təsisatlarının təkmilləşdirilməsi zərurətini ortaya çıxarmışdı. Yeni formalaşdırılan ali nümayəndəlik orqanı – Dövlət Duması (parlamentin aşağı palatası) ilk dəfə olaraq tərkib etibarilə əhalinin çoxsaylı müxtəlif təbəqələrinin təmsilçiliyi əsasında fəaliyyət göstərməyə başlamışdı. Dumanın işində fəal iştirak edən azərbaycanlı deputatların burada müəyyən təcrübə toplamaları sonradan ilk respublikanın hakimiyyət təsisatlarının normal fəaliyyətinin təmin edilməsində mühüm rol oynamışdı. Bütövlükdə götürdükdə, Azərbaycan ərazisində parlamentizm ənənələri ilkin olaraq ilk Cümhuriyyətin zamanında formalaşdı. Məqalədə ilk respublika dövründə ali nümayəndəli hakimiyyət təsisatlarının təşkili və fəaliyyətinin hüquqi tənziminə diqqət çəkilir, ilk parlamentin tərkibinə daxil olan siyasi qüvvələrin nisbəti, bütövlükdə bu ali təsisatın fəaliyyətinin ayrı-ayrı aspektləri təhlil olunur.
Müəllif :
X .C. İsmayılov - Bakı Dövlət Universiteti
Nəşr tarixi : 2019
Beynəlxalq əhəmiyyətli avtomobil daşımalarının təşkili ölkədaxili daşımaların təşkilindən daha ciddi və məsuliyyətli hazırlıq tələb edir. Müasir mərhələdə beynəlxalq avtomobil daşımalarının əhəmiyyəti göz qabağındadır. Əgər avtomobil nəqliyyatı ilə daşınmanı nəzərə alsaq, o zaman, ilk növbədə, digər nəqliyyat növləri ilə müqayisədə əhəmiyyətli üstünlüyü, yəni daşımanın müştərinin konkret tələblərinə uyğunlaşdırmaq imkanını qeyd etmək lazımdır ki, bu da xidməti rahat və sərfəli edir. Hazırda daşımaların tənzimlənməsi sahəsində təşkilati, hüquqi, iqtisadi məsələlər kontekstində bir çox problemlər mövcuddur. Daşımanın məqsədyönlü tənzimlənməsi yoxdur. Bu problem müasir reallığın bütün tələblərinə cavab verəcək, daşınma prosesi ilə bağlı bütün suallara cavabları özündə əks etdirən normativ hüquqi baza yaratmaqla həll edilə bilər. Beynəlxalq avtomobil daşımalarının həyata keçirilməsində bir çox mübahisəli vəziyyətlər mövcuddur. Onların arasında ən mühümləri aşağıdakılardır: vahid uçot və nəzarət sis teminin olmaması, nəqliyyat vasitələrinin təhlükəsizliyinə təminat, gömrük məsələlərinin tənzimlənməsi zərurəti.
Müəllif :
Vüsal Aslanov - Bakı Dövlət Universiteti.
Nəşr tarixi : 2023
Bu məqalədə beynəlxalq humanitar hüququn tətbiq sahəsi araşdırılmışdır. Məqalədə ardıcıl olaraq beynəlxalq humanitar hüququn vəziyyətə görə, şəxslərə görə, zamana görə və məkana görə tətbiqi məsələləri təhlil edilmişdir. Müəllif beynəlxalq humanitar hüququn tətbiq sahəsinin olduqca mürəkkəb və çoxcəhətli bir kateqoriya olduğunu, həmin tətbiq sahəsinə daxil olan halların və bunu şərtləndirən meyarların tam dəqiqliyi təyin olunmadığını diqqətə çatdırır. Həmçinin məqalədə hərbi əsirlərin mübadiləsi institutunun beynəlxalq humanitar hüququn mənbəyini təşkil edən konvensiylarda hüquqi aspektdə təsbit edilməsi zərurəti, beynəlxalq humanitar hüquq normalarının sülhyaratma əməliyyatlarına tətbiqinin xüsusiyyətləri, eləcə də kiberməkanda baş verən silahlı münaqişələrə münasibətdə beynəlxalq humanitar hüququn tətbiqi kimi xüsusi aktuallıq kəsb edən məsələlər tədqiq edilir.
Müəllif :
Məmmədov Nəsir - hüquq üzrə fəlsəfə doktoru, BDU-nun doktorantı.
Nəşr tarixi : 2023
Məqalədə müəllif tərəfindən muzdluluğun beynəlxalq hüquqi aspektdən izahı verilmişdir. Azərbaycan Respublikasının Cinayət Məcəlləsində muzdluluq müharibə cinayəti kimi göstərildiyindən beynəlxalq humanitar hüquq normaları ilə məcəllənin yanaşmasında bur uyğunsuzluq yaranmışdır. Doğrudur, muzdluluq beynəlxalq səviyyədə qadağan olunmuş əməldir. Muzdluluğu özündə əks etdirən beynəlxalq konvensiyalarda bu əməl cinayət kimi, Azərbaycan Respublikasının cinayət məcəlləsində isə müharibə cinayəti kimi göstərildiyindən müəllif müqayisəli təhlilə üstünlük vermişdir. İzah olunmuşdur ki, beynəlxalq humanitar hüquq normalarına görə, muzdluluq cinayət hesab olunmur. Cenevrə Konvensiyalarına görə isə, muzdlular silahlı münaqişə zamanı əsir götürüldükdə belə, hərbi əsir statusuna malik olmur.
Müəllif :
Əlövsət Allahverdiyev - Bakı Dövlət Universiteti Hüquq fakültəsi “İnsan hüquqları və informasiya hüququ “ UNESCO kafedrası, müəllim.
Nəşr tarixi : 2023
Bu məqalədə sağlamlığın qorunması hüququnun dövlətdaxili təminatlarının sistemi ilə bağlı məsələlər təhlil edilmişdir. Müəllif dövlətdaxili səhiyyə sistemində sağlamlığın qorunması hüququnun təminatları sisteminin təkmil və səmərəli olmasının əhəmiyyətini göstərir, sağlamlığın qorunmasına dair qanunvericilikdə sağlamlığın qorunması və tibbi yardım almaq hüququnun təminatlarının sistemli şəkildə təsbit edilməməsinə diqqəti çəkir və bu baxımdan, həmin təminatlar sisteminin “Əhalinin sağlamlığın qorunması haqqında” Azərbaycan Respublikası Qanununda ayrıca bir maddədə kompleks şəkildə təsbit edilməsi təklifini irəli sürür.
Müəllif :
Pənahov Fuad - Hüquq və İnsan Haqları İnstitutunun dissertantı.
Nəşr tarixi : 2023
В статье определяется понятие кредитного договора в гражданском праве Азербайджана, рассматриваются основные элементы и само содержание кредитного договора как разновидности договора займа, проводится анализ отдельных норм о договора займа, и как его разновидности, кредитного договора в гражданском законодательстве Азербайджанской Республики. Автор особое внимание обращает рассмотрению таких вопросов, как юридическая природа кредитного договора, форма и существенные условия кредитного договора, условие о процентах в кредитном договоре и т.п. На основе проведенного исследования автор, обосновывает выводы о необходимости внесения ряда изменений в действующее гражданское законодательство Азербайджана, с целью выработки оптимальной модели правового регулирования кредитных отношений.
Müəllif :
Исмайлова Вафа - докторант кафедры Гражданского права Юридического факультета Бакинского государственного университета.
Nəşr tarixi : 2023
Ekstremizmlə bağlı cinayətlərin (ekstremist fəaliyyətin) zamanı istintaqın gedişində irəli sürülməsi mümkün olan tipik istintaq fərziyyələri müəyyən edilərək sistemləşdirilmiş, bu istintaq fərziyyələrinin yoxlanması məqsədilə həyata keçirilməsi mümkün olan istintaq hərəkətlərini, digər prosessual hərəkətlər və əməliyyat-axtarış tədbirləri göstərilmiş, onların hansı ardıcıl keçirilməsi qeyd olunmuşdu. İstintaq fərziyyələri, o cümlədən ekstremizmlə bağlı cinayətlərin istintaqı zamanı tipik istintaq fərziyyələrinin dairəsi ilə bağlı məsələlər nəzərdən keçirilmişdi.
Müəllif :
Tamerlan Abdulqafur oğlu Qurban - Azərbaycan Respublikası Ədliyyə Nazirliyinin Məhkəmə Ekspertizası Mərkəzi
Nəşr tarixi : 2022
Məqalədə müəllif tərəfindən Azərbaycanda insan hüquqlarının təminat mexanizmlərinə dair məsələ elmi cəhətdən araşdırılır. İlk növbədə, Yer kürəsində ən ali və bəşəri dəyərlərdən biri olan insan hüquqlarına doktrinal kontekstdə yanaşılmasına təşəbbüs göstərilir. Qeyd edilir ki, dünyada insan hüquqlarının qorunması, müdafiəsi və təmin olunması universal, regional və milli (dövlətdaxili) səviyyələrdə yaradılmış hüquqi mexanizmlər vasitəsilə həyata keçirilir. Bu sahədə mövcud olan beynəlxalq hüquqi aktlara xüsusi diqqət yetirilir. Azərbaycan Respublikasında insan hüquqlarının qorunması sahəsində milli hüquqi təminatlar mexanizmi aşağıdakı kimi fərqləndirilir: Konstitusiyada təsbit edilən təminatlar, qanunlarda və digər normativ hüquqi aktlarda təsbit edilən təminatlar, məhkəmə müdafiəsi təminatı və digər siyasi-iqtisadi, sosial-hüquqi təminatlar.
Müəllif :
Mirzəyeva Leyla - Sumqayıt İnzibati Məhkəməsinin hakimi.
Nəşr tarixi : 2023
Статья посвящена исследованию международных стандартов в области защиты прав женщин. Разработка теории прав человека является одним из существенных достижений в правовой мысли. Их реализация является основой формирования демократического общества и правового государства. Современные страны признают ценность и необходимость закрепления и соблюдения прав и свобод человека и гражданина. Однако в настоящее время в юридической науке нет единодушия относительно определения прав человека, что негативно сказывается на практике их реализации. В подавляющем большинстве случаев права человека определяются как требования, направленные государству.
Müəllif :
Замула Алина Юрьевна - кандидат юридических наук, доцент кафедры международного права и сравнительного правоведения Факультета международных отношений Национального авиационного университета Киев, Украина.
Nəşr tarixi : 2023
.jpg)
