Malların keyfiyyətinin müəyyən edilməsi istər beynəlxalq, istərsə də milli ticarətin mərkəzində olan, lakin bir o qədər də fərqli yanaşmalar irəli sürülərək mübahisələndirilən məsələlərdən biridir. Beynəlxalq alğı-satqı müqavilələrində malların keyfiyyətini Birləşmiş Millətlər Təşkilatının Malların Beynəlxalq Alğı-satqısı haqqında 1980-ci il Konvensiyası tənzimləyir. Digər bir sıra keçmiş SSRİ dövlətlərində olduğu kimi, Azərbaycan Respublikasında da həmin müddəalar adıçəkilən Konvensiyadan mənimsənmiş və Azərbaycan Respublikasının Mülki Məcəlləsində əks etdirilmişdir. Hazırki məqalə Vyana Konvensiyası ilə Mülki Məcəllə arasında malların keyfiyyətinin obyektiv uyğunluq prinsipinin müqayisəli təhlilini aparır, Mülki Məcəllənin obyektiv uyğunluğun müəyyən edilməsində mövcud boşluqları və çatışmazlıqları ortaya çıxarır və Azərbaycan qanunvericiliyində dəyişikliklər üçün bir sıra təkliflər irəli sürür.
Müəllif :
Nicat Rəsulzadə
Nəşr tarixi : 2020
Müasir dövr üçün çox aktual bir mövzuya həsr olunmuş bu məqalədə Azərbaycan Respublikasının İnsan Hüquqları üzrə Müvəkkilinin (Ombudsmanın) yeni növ koronavirus (COVID-19) pandemiyası dövründə əlilliyi olan şəxslərin hüquqlarının daha səmərəli müdafiəsi sahəsində fəaliyyəti, o cümlədən irəli sürdüyü müvafiq təklif və tövsiyələr elmi-praktik baxımdan təhlil edilmişdir. Eyni zamanda əlilliyi olan şəxslərin öz iradəsi ilə tərk edə bilmədiyi yerlərdə həyata keçirilmiş monitorinq və başçəkmələr barədə məlumatlar öz əksini tapmışdır.
Müəllif :
S.Y.Əliyeva - Azərbaycan Respublikasının İnsan Hüquqları üzrə Müvəkkili (Ombudsman)
Nəşr tarixi : 2021
Məqalədə Azərbaycanın siyasi-hüquqi fikir tarixində dövrlər üzrə utopik ideyaların yaranması və inkişafı məsələləri tədqiq edilir. Tədqiqatın predmetini utopik təlimlərin sosial- siyasi mahiyyəti, fərqli cəhətləri və xüsusiyyətlərinin açılıb göstərilməsi təşkil edir. Qədim miflərin əhəmiyyəti, utopik ideyaların inkişafının sonrakı mərhələlərinin xarakteristikası verilir. Quldarlıq və erkən feodalizm dövründə utopik təlimlər yeni radikal ideyalarla zənginləşmişdir. Belə ki, qədim xalqların tarixi abidəsi "Avesta"da Yima ilk utopik cəmiyyətin yaradıcısı kimi təqdim edilir. Daha sonra sosial bərabərlik, insanlar arasında maddi nemətlərin bərabər və ədalətli bölgüsü və s. haqqında zərdüştiliyin ideyalarını əxz edən manilik, məzdəkliik və xürrəmiliyin utopik ideyaları araşdırılır.
Müəllif :
T. K. Zeynalova - Bakı Dövlət Universiteti
Nəşr tarixi : 2021
Milli hüquq və Beynəlxalq hüquqdan fərqli olaraq, xüsusiləşdirilən Avropa İttifaqı hüququnun və digər tərəfdən Avropa İttifaqı tərkibinə daxil olan 28 (27) üzv dövlətin milli hüquq sistemlərinin qarşılıqlı əlaqəsinin iki baxımdan özünəməxsus yeri var: birincisi, Aİ baxımından, ikincisi, üzv dövlətlərin nöqteyi-nəzərindən. Məqalədə Avropa İttifaqı hüququnun anlayışına müxtəlif yanaşmalar və “qarşılıqlı əlaqə” ünsürünün burada yeri, habelə Avropa İttifaqına üzv olan dövlətlərdən biri və xüsusi şərtlə Avropa İttifaqına daxil olan İrlandiya hüquq sisteminin Avropa İttifaqı ilə qarşılıqlı əlaqəsi aspektində analiz edilmişdir.
Müəllif :
Şahlar İbadzadə
Nəşr tarixi : 2020
Regulation of financial markets come into the spotlight after the global financial crisis: gaps in the activities of the regulators1 supervising financial markets and exercising proper oversight in this area becomes apparent, the existing regulations are analyzed and necessary reforms are made by the states. This article analyzes the regulation and supervision of financial markets and examines the responsibilities2 arisen out of these activities. The purpose of the article is to conduct a comparative analysis to determine the degree of responsibility of the authorities that regulate and supervise the financial markets before professional market participants, their shareholders, as well as citizens – consumers.
Müəllif :
Nushaba Mahmudzade
Nəşr tarixi : 2020
This Article is dedicated to the issue of determining the legal status of the sub-carrier and its responsibility. The Article deals with the interpretation of sub-carrier and how it is defined in different international conventions and focuses on the sub-carrier’s liability towards the carrier and the other parties to the contract. These issues are analyzed at national and international levels based on documents including, Hague and Hague-Visby Rules, Hamburg and Rotterdam Rules, and other international legal acts, also Merchant Shipping Code of the Republic of Azerbaijan, Civil Code of the Republic of Azerbaijan. Various cases related to the subject are also enclosed in this article.
Müəllif :
Gunay Mammadli
Nəşr tarixi : 2020
The present article contains the historical background and concept of nautical fault exemption. The reasons behind the exemption have also been differentiated and how it was incorporated into legislative acts, as well as international conventions in article. The comparative analysis of the regulation of nautical fault exemption within international conventions was conducted. Further, the Article laid down the conceptual basis of the nautical fault exception and the relationship among the seaworthiness, care for cargo and nautical fault exemption by referring case law. Finally, burden of proof was explained and arguments against and for the abolishment of the nautical fault exemption was discussed.
Müəllif :
Ziya Shivakhanli
Nəşr tarixi : 2020
Məqalədə sənaye mülkiyyətinin mühafizəsi sahəsində patent qanunvericiliyi milli prizmadan, həm də ABŞ, Türkiyə, Almaniya və digər dövlətlərin timsalında müqayisəli təhlil edilərək qanunvericilikdəki boşluqlara patent müvəkkillərinin statusu, məsuliyyət təminatı və ondakı tarixi qalıq izlər, müəyyən prosessual-intitusional məsələlərlə əlaqədar münasibət bildirilir. Universal və regional olmaqla patent hüquqlarının beynəlxalq təminat sistemi araşdırmaya cəlb olunan prioritet məsələlərdəndir. İki hüquqi sistemdə özünü büruzə verən prinsipal fərqlər və patent hüquqlarının pozulması ilə bağlı mübahisələrdə müstəsna yurisdiksiyaya malik milli-ixtisaslaşdırılmış, o cümlədən beynəlxalq ədalət mühakiməsi mexanizmləri də müəllifin diqqətindən yan keçə bilməzdi.
Müəllif :
Zahra Nazarova
Nəşr tarixi : 2019
İstehsalçıların öz qüsurlu məhsullarına görə məsuliyyəti hər bir ölkənin istehlakçıların qorunması siyasətində əsas rol oynayır. 1985-ci ildə qəbul olunan Məhsula görə Məsuliyyət Direktivi bu sahədə Aİ qanunvericiliyinin yekcins müddəalarını müəyyən edir və Avropanın məhsula görə məsuliyyət hüququnun özəyini təşkil edən sərt (təqsirsiz) məsuliyyət prinsipini təcəssüm etdirir. Digər bir sıra qeyri-Aİ ölkələri kimi Azərbaycan Respublikası Aİ-nin məhsula görə məsuliyyət qanunvericiliyinin əsas prinsiplərini mənimsəmiş və bu cür məsuliyyət növünü öz Mülki Məcəlləsinə birləşdirmişdir. Hazırki məqalə Aİ və Azərbaycan qanunvericiliyinin məhsula görə məsuliyyətlə bağlı müqayisəli təhlilini aparır, Azərbaycanın məhsula görə məsuliyyət hüququndakı çatışmazlıqları və boşluqları ortaya çıxarır və Azərbaycan qanunvericiliyində dəyişikliklər üçün bir sıra təkliflər irəli sürür. Məqalədə, həmçinin məhsula görə məsuliyyət hüququnun həm Aİ-də, həm də Azərbaycanda tarixi inkişafı və sərt məsuliyyət məfhumu müzakirə olunur.
Müəllif :
Nihad Hiiseynov
Nəşr tarixi : 2019
Bu məqalə vətəndaşların hüquq və azadlıqlarının qorunmasının beynəlxalq təcrübəsinə həsr olunub. Məqalədə İnsan hüquqları və azadlıqlarının müdafiəsi haqqında Avropa Konvensiyasının (Bundan sonra – Konvensiya) ədalətli məhkəmə hüququndan bəhs edən 6-cı maddəsinin 1-ci hissəsində təsbit edilən "mülki hüquq və vəzifələr" anlayışının xarakteristikası verilir, eləcə də hansı pozuntuların həmin maddənin əhatə dairəsinə düşdüyü izah olunur. Bununla yanaşı, bu yazıda Avropa İnsan Hüquqları Məhkəməsinin məhkəmə təcrübəsindən çıxış edərək vətəndaş və dövlət arasında olan münasibətlərin hansı hallarda Konvensiyanın 6-cı maddəsinin əhatə dairəsinə düşdüyü praktiki misallarla aydınlaşdırılır. Bu məqalədən Avropa İnsan Hüquqları Məhkəməsinə şikayət hazırlayanlar, müraciət prosedurlarını öyrənənlər və eyni zamanda hüquq sahəsində təhsil alanlar faydalana bilərlər.
Müəllif :
Jala Bayramova
Nəşr tarixi : 2019
.jpg)
