Açıqlama:

Hazırkı məqalə Ermənistan-Azərbaycan münaqişəsində pozulmuş insan hüquqları və “jus cogens ” normalarının qarşılıqlı əlaqəsindən bəhs edir. Müəllif tərəfindən “jus cogens ” (beynəlxalq ümumi hüququn imperativ normaları) normasının anlayışı, elementləri və vacib şərtləri araşdırılır və həmin normaların Ermənistan-Azərbaycan münaqişəsi zamanı azərbaycanlıların pozulmuş hüquqlarına tətbiqi təhlil olunur. Təcavüz, soyqırımı, insanlıq əleyhinə cinayətlər və müharibə cinayətlərinin “jus cogens” normalarının pozuntusu kimi qiymətləndirilməsinə xüsusi diqqət yetirilir. Təhlil zamanı müvafiq beynəlxalq hüquqi sənədlərə və beynəlxalq məhkəmələrin qərarlarına istinadlar yer alır.